Téarmaí & Coinníollacha
An Nuashonrú Is Déanaí: An 1 Meitheamh 2023
Séanadh
Tugtar an t-eolas a chuirtear ar fáil anseo gan dochar a dhéanamh do bhreithniú foirmiúil aon iarratas pleanála ina dhiaidh seo. Deirtear in Alt 247 (3) den Acht um Pleanáil agus Forbairt 2000 (arna leasú) “Ní dochar comhchomhairliúcháin a dhéanamh do chomhlíonadh aon fheidhmeanna eile dá chuid ag údarás pleanála faoin Acht seo nó faoi aon rialacháin arna ndéanamh faoin Acht seo agus ní féidir brath air sa phróiseas foirmiúil pleanála nó in imeachtaí dlíthiúla.”
Ginearálta
Tá Seirbhís Tuairisce Réamhphleanála Chontae na Gaillimhe ("an tSeirbhís") curtha ar fáil ag Pin Point Alerts Limited (Cláraithe in Éirinn, tag. #488766). Tá rannpháirtíocht sa tseirbhís seo á rialú ag na téarmaí agus coinníollacha seo. Tá na téarmaí agus coinníollacha seo tábhachtach agus cosnaíonn siad tusa agus muide. Tóg an t-am chun na téarmaí agus na coinníollacha a léamh go cúramach. Má bhíonn aon cheist agat faoi na téarmaí agus coinníollacha, seol ríomhphost chuig
Léirmhíniú
- Ciallaíonn "Dlíthe Infheidhme" aon dlí, reacht, rialachán, ordú, breithiúnas, breith, moladh, riail, beartas nó treoirlíne arna rith nó arna n-eisiúint ag an rialtas nó ag aon chúirt nó údarás inniúil i ndáil le hábhar na dTéarmaí agus Coinníollacha seo.
- Ciallaíonn “An Córas” or “An tSeirbhís” an suíomh gréasáin preplanning.ie, fofhearann Chontae na Gaillimhe (galway.preplanning.ie) agus gach comhpháirt ghaolmhar den tseirbhís.
Admháil agus glacadh
Leagtar amach sa Chomhaontú seo ("an Comhaontú") na téarmaí agus na coinníollacha a rialaíonn do rannpháirtíocht sa tSeirbhís agus is ortsa atá an fhreagracht iad a léamh agus a thuiscint. Cuirtear rannpháirtíocht sa tSeirbhís ar fáil faoi lánrogha Pin Point Alerts Limited ar leo an tSeirbhís agus arb iad a oibríonn í.
Forchoimeádann Pin Point Alerts Ltd. an ceart an Comhaontú seo agus/nó aon chuid de a mhodhnú nó a leasú ag am ar bith agus ó am go ham. Tuigeann úsáideoirí an tsuímh gréasáin agus admhaíonn siad go mbeidh an leagan is déanaí den Chomhaontú seo suite ar an suíomh gréasáin seo ar leathanach gréasáin na dtéarmaí agus na gcoinníollacha.
Gealltanas príobháideachta Pin Point Alerts
Is é beartas agus gealltanas Pin Point Alerts príobháideacht gach Úsáideoir láithreáin ghréasáin a urramú. Tá “príobháideacht trí dhearadh” san áireamh ag Pin Point Alerts ag gach céim den phróiseas, ó fhorbairt theicniúil na seirbhíse go hiarratais dhíliostála ó Úsáideoirí. Tá Ráiteas Príobháideachta tiomnaithe agus sonraí faoi bheartais Cosanta Sonraí ar fáil ag https://carlow.preplanning.ie/privacy agus moltar go láidir duit an ráiteas seo a léamh chun a sheiceáil go díreach cad iad na cineálacha Faisnéise Inaitheanta Pearsanta (“PII”) a bhailíonn, a stórálann agus a phróiseálann an tSeirbhís.
Ní féidir linn a chinntiú nach nochtfar cumarsáid phríobháideach ná sonraí pearsanta inaitheanta eile choíche ar bhealaí nach ndéantar cur síos orthu sa chuid seo. Mar shampla (gan teorainn a chur leis an méid sin roimhe seo) d'fhéadfaí iallach a chur orainn na sonraí a nochtadh do ghníomhaireacht rialtais a iarrann an rud céanna go dleathach nó d'aon chúirt atá ag gníomhú de bhun a cumhachtaí. Coimeádaimid an ceart againn féin agus aontaíonn tú leis seo cead a thabhairt dúinn aon fhaisnéis fút a nochtadh do ghníomhaireacht forfheidhmithe dlí, d'oifigigh rialtais nó d'aon chúirt nó d'oifigigh chúirte de réir mar a chreideamar, dár rogha féin amháin, go raibh gá nó cuí leis.
Téarmaí rannpháirtíochta
Is seirbhís shaor in aisce í seo a chuireann Pin Point Alerts Ltd. ar fáil do Chomhairle Chontae na Gaillimhe.
Tá an tSeirbhís beartaithe d'úsáid chónaitheoirí Chontae na Gaillimhe, a bhfuil suim acu pleanáil a dhéanamh do theorainn láithreáin ar leith laistigh den chontae. Tá seoladh ríomhphoist bailí ag teastáil chun tuairiscí a iarraidh tríd an tseirbhís seo.
Níl Pin Point Alerts Ltd. freagrach as athruithe ar aon sonraí tuarascála nó as scor díobh trí Chomhairle Chontae na Gaillimhe, cuideachtaí, comhlachtaí nó gníomhaireachtaí tríú páirtí, is nílimid freagrach as faisnéis tuarascála a sheachadtar tríd an tseirbhís seo atá curtha in iúl go míchruinn ach an oiread.
Ó am go ham féadfaidh Pin Point Alerts Ltd. cuntas baill a choigeartú suas nó síos maidir le hearráidí nó calaois amhrasta, a bhfuil údarás iomlán againn ina leith.
Ní bheidh Pin Point Alerts Ltd freagrach as aon chaillteanas, damáiste nó iarmhairtí cibé slí a dtagann siad chun cinn, cibé acu go díreach nó go hindíreach, amhail cinneadh dul ar aghaidh nó gan dul ar aghaidh le hiarratas pleanála bunaithe ar fhaisnéis a ghintear ó thuarascáil ar an láithreán gréasáin seo.
Naisc chuig suíomhanna tríú páirtí
D'fhéadfadh naisc atá ar an suíomh gréasáin seo ligean duit suíomh gréasáin Réamhphleanála Chontae na Gaillimhe a fhágáil agus dul isteach ar shuíomh(anna) gréasáin eile (“suíomh(anna) gréasáin nasctha”). Níl na suíomhanna gréasáin nasctha faoi smacht Pin Point Alerts Ltd. ná Comhairle Chontae na Gaillimhe, agus níl ceachtar páirtí freagrach as ábhar aon suíomhanna gréasáin nasctha nó aon nasc atá i suíomh gréasáin nasctha nó as aon athruithe nó nuashonruithe ar na suíomhanna gréasáin sin. Níl Pin Point Alerts Ltd. freagrach as craoladh gréasáin ná as aon chineál tarchuir eile a fhaightear ó aon suíomh gréasáin nasctha. Níl Pin Point Alerts Ltd. ach ag soláthar na nasc seo duit mar áis agus ní hionann aon nasc a chuirtear san áireamh agus go bhfuil tacaíocht ag Pin Point Alerts Ltd. don suíomh nó d'aon chomhlachas lena n-oibreoirí. Mar shampla, nascfaidh Pin Point Alerts Ltd. le láithreáin ghréasáin áirithe soláthraithe sonraí 3ú páirtí (OSi, NPWS) ach níl siad freagrach as ábhar ar na láithreáin ghréasáin seo.
Maoin Intleachtúil
Admhaíonn tú go bhfuil gach trádmharc, trádainm, marc seirbhíse, ceart (cláraithe nó neamhchláraithe) in aon dearaí, iarratais ar aon cheann de na nithe sin roimhe seo; ainmneacha trádála nó gnó; nuálaíochtaí, aireagáin cibé acu atáthar nó nach bhfuiltear in ann iad a chosaint trí phaitinn nó trí chlárú, trí dhearadh cláraithe agus trí chearta topagrafaíochta; saineolas, lena n-áirítear sonraíochtaí sonraí, líníochtaí agus treoracha; foirmlí agus próisis rúnda; cearta lena gcosnaítear dea-thoil agus dea-cháil; cearta bunachar sonraí agus cearta faoi cheadúnais agus toilithe i ndáil le nithe den sórt sin, cearta de chineál cearta iomaíochta éagóraí, agus cearta agartha chun pas a fháil agus gach ceart nó cineál cosanta de chineál atá comhchosúil le haon cheann de na nithe sin roimhe seo nó a bhfuil éifeacht choibhéiseach acu in aon áit ar domhan; cóipcheart, trádmharcanna agus cearta maoine intleachtúla eile i láithreán gréasáin Thuarascálacha Réamhphleanála Chontae na Gaillimhe agus a bhaineann leis (dá ngairtear “Maoin Intleachtúil" anseo feasta) faoi úinéireacht Pin Point Alerts Ltd amháin. Ní ceadmhach duit Maoin Intleachtúil a atáirgeadh, a fhoilsiú, a tharchur, a dháileadh, a thaispeáint, a mhodhnú, saothair dhíorthacha a chruthú, a dhíol nó páirt a ghlacadh in aon díol den Mhaoin Intleachtúil, nó leas a bhaint as ar bhealach ar bith, go hiomlán nó go páirteach. Is leis na húinéirí faoi seach, amhail Comhairle Chontae na Gaillimhe, gach trádmharc, ainm táirge agus lógónna cuideachta eile a luaitear anseo.
Tá na sonraí go léir a fhoilsítear ar an láithreán gréasáin seo faoi réir cóipchirt agus ní féidir iad a atáirgeadh ar aon láithreán gréasáin eile gan toiliú a fháil roimh ré ó úinéirí an láithreáin. Áirítear leis seo ábhar foláirimh a fhoilsítear ar an láithreán gréasáin seo agus nach féidir é a chóipeáil nó a chamchóipeáil ón láithreán gréasáin le haghaidh seirbhísí gairmiúla seachtracha (m.sh., tuarascálacha pleanála a athdhíol go cliaint).
Tá gach dearadh láithreán gréasáin, téacs, grafaicí, roghnú agus socrú an láithreáin ghréasáin agus na bogearraí go léir faoi chóipcheart Pin Point Alerts Limited, ach amháin má tá eisceachtaí soiléire ann amhail lógó Chomhairle Chontae na Gaillimhe. GACH CEART AR COSAINT.
Teorainn le Dliteanas
Ní bheidh Pin Point Alerts Ltd. faoi dhliteanas i leith aon damáiste, cibé acu díreach, indíreach, teagmhasach, speisialta nó iarmhartach a bhaineann le rannpháirtíocht sa tseirbhís seo nó neamhábaltacht páirt a ghlacadh inti. Ní bheidh Pin Point Alerts Ltd., i gcás nó faoi choinníoll ar bith, faoi dhliteanas as aon damáistí nó caillteanas díreach nó indíreach, teagmhasach, iarmhartach, speisialta nó eiseamláireach cibé slí a n-eascraíonn, (lena n-áirítear faillí nó sárú ar an gComhaontú seo nó ar shlí eile ach gan a bheith teoranta dóibh) nó as aon chaillteanas sonraí, brabúis, ioncaim, cáilmheasa nó gnó cibé rud ba chúis leis fiú má bhí an caillteanas nó an damáiste sin intuartha, nó gur tugadh le fios do Pin Point Alerts go raibh an fhéidearthacht ann go dtarlódh sé. Chun amhras a sheachaint, ní bheidh Pin Point Alerts Ltd. faoi dhliteanas as aon chinneadh a dhéanfar bunaithe ar na tuarascálacha a ghintear ón tseirbhís seo.
Cé go gcuirtear prótacail dhiana i bhfeidhm ar an láithreán gréasáin Pin Point Alerts Ltd. ní dhéanann sé aon bharántas go bhfuil an láithreán gréasáin saor ó ionfhabhtú ag víris nó aon rud eile a bhfuil airíonna éillithe aige. Mar atá luaite sa Bheartas Príobháideachta ar an láithreán gréasáin seo, “Tá nósanna imeachta fisiciúla, leictreonacha agus bainistíochta réasúnta agus cuí curtha i bhfeidhm againn chun cabhrú le faisnéis a bhailímid tríd an tseirbhís seo a chosaint. Mar sin féin, ba chóir go mbeadh a fhios agat nach féidir le haon chuideachta, lena n-áirítear Pin Point Alerts Ltd, deireadh iomlán a chur le rioscaí slándála a bhaineann le Faisnéis Inaitheanta Phearsanta (FII)”.
Ní ghlacann Pin Point Alerts Ltd. le haon dliteanas i leith aon chaillteanais nó éilimh a eascraíonn as aon neamhábaltacht rochtain a fháil ar an láithreán gréasáin seo.
Slánaíocht agus tarscaoileadh
Aontaíonn tú leis seo slánaíocht a thabhairt agus slánaíocht a choineall le Pin Point Alerts Ltd. agus a chomharbaí agus a chomhpháirtithe sannta agus gach ceann dá stiúrthóirí, oifigigh, fostaithe agus gníomhairí faoi seach a shlánú agus a choinneáil slán ó agus in aghaidh aon agus gach dliteanas, damáiste, caillteanas, éileamh (lena n-áirítear táillí dlí réasúnacha) a eascraíonn ar bhealach ar bith as an úsáid a bhain tú as an suíomh Gréasáin seo agus as ábhar arna phostáil ar an suíomh Gréasáin seo nó mar thoradh ar aon sárú ar an gComhaontú seo cibé an bhfuil sárú den sórt sin déanta agatsa nó ag aon duine eile trí do chuntas, nó go n-éiríonn sé as do shonraí, d’úsáid as an suíomh Gréasáin seo, do nasc leis an suíomh Gréasáin seo nó do shárú ar aon chearta tríú páirtí. Ina theannta sin, admhaíonn tú leis seo go ndéantar aon ábhar a íoslódáiltear nó a fhaightear ar shlí eile trí úsáid a bhaint as an láithreán gréasáin seo ar do rogha féin agus ar do phriacal féin agus go dtarscaoileann tú aon cheart chun aon éileamh nó caingean a thabhairt i gcoinne Pin Point Alerts Ltd. nó a chomharbaí, a chomhpháirtithe sannta, a stiúrthóirí, a oifigigh, a fhostaithe agus a ghníomhairí as aon chaillteanas, damáiste nó díobháil a eascraíonn as úsáid a bhaint as an láithreán gréasáin agus seirbhís seo.
Séanadh
D'fhéadfadh míchruinnis agus earráidí clóghrafacha a bheith sna hábhair atá ar an láithreán gréasáin seo. Ní féidir le Pin Point Alerts Ltd. dearbhú a thabhairt ar chruinneas nó iomláine na n-ábhar ná iontaofacht aon chomhairle, tuairime, ráitis nó faisnéise eile a thaispeántar nó a dháiltear tríd an láithreán gréasáin seo. Admhaíonn tú gur ar do phriacal féin a bheidh aon spleáchas ar aon tuairim, ráiteas, meabhrán nó faisnéis den sórt sin. Forchoimeádann Pin Point Alerts Ltd. an ceart dá lánrogha féin aon earráidí nó easnaimh in aon chuid den láithreán gréasáin a cheartú.
Cuirtear an láithreán gréasáin, an fhaisnéis agus an t-ábhar ar an láithreán gréasáin seo ar fáil “mar atá” gan aon ionadaíocht nó baránta, sainráite nó intuigthe, d'aon chineál, lena n-áirítear, ach gan a bheith teoranta do bharántaí neamhsháraithe nó oiriúnachta chun aon chríoch ar leith.
Ní bheidh Pin Point Alerts Ltd. faoi dhliteanas as aon mhainneachtain ar aon cheann dá oibleagáidí faoin gComhaontú seo a chomhlíonadh, ar nithe iad nach bhfuil neart réasúnach acu orthu, lena n-áirítear Gníomhartha Dé, cliseadh ar sheirbhísí idirlín nó seirbhísí ríomhaireachta eile, cogadh, stailceanna, frithdhúnadh agus díospóidí tionsclaíocha, ach gan a bheith teoranta dóibh sin.
Téarma agus Foirceannadh
Aontaíonn tú fanacht faoi cheangal ag an gComhaontú seo (nó ag Comhaontú leasaithe dá leithéid) chomh fada agus a fhanann tú i d'Úsáideoir nó mura ndéanann Pin Point Alerts Ltd. rochtain a fhoirceannadh, a chur ar fionraí nó a theorannú ar shlí eile. Sa chás go n-iarrann tú go sonrach diúltú don tseirbhís seo, ní dhéanfar aon chumarsáid bhreise idir Pin Point Alerts Ltd. agus tú féin ag am ar bith.
Forchoimeádann Pin Point Alerts Ltd. an ceart an tseirbhís a fhoirceannadh ag am ar bith, ag brath ar aon chonradh le Comhairle Chontae na Gaillimhe. Déanfaidh Pin Point Alerts Ltd. gach iarracht an tréimhse foirceanta a chur in iúl do gach Úsáideoir, ach ní bheidh siad freagrach as gan fógra a thabhairt d'aon Úsáideoir beag beann ar na cúiseanna. Déan athbhreithniú, le do thoil, ar an mBeartas Príobháideachta lena n-áirítear sonraí beartais maidir le coinneáil sonraí.
Mar thoradh ar aon chalaois nó mí-úsáid a dhéantar ar an láithreán gréasáin, cuirfear deireadh láithreach le cuntas an Bhaill sin.
Mionathruithe ar an láithreán gréasáin
Forchoimeádann Pin Point Alerts Ltd. an ceart ag am ar bith agus ó am go ham an láithreán gréasáin a mhodhnú nó a scor go sealadach nó go buan, le fógra nó gan fógra. Aontaíonn tú nach mbeidh Pin Point Alerts Ltd. faoi dhliteanas duit féin ná d'aon tríú páirtí as aon mhionathrú ar an láithreán seo, as é a chur ar fionraí nó é a scor. Ní bheidh Pin Point Alerts Ltd. faoi dhliteanas ag aon Bhall nó tríú páirtí má fheidhmíonn Pin Point Alerts Ltd. a cheart chun an tseirbhís a mhodhnú nó a scor.
Fógraí
Beidh gach fógra a thugann Pin Point Alerts Ltd. duit trí ríomhphost ó sheoladh ríomhphoist “@preplanning.ie” trí phostáil ghinearálta ar an láithreán gréasáin seo, ag brath ar ábhar an fhógra.
Comhaontú Iomlán
Is ionann an Comhaontú seo agus an Comhaontú iomlán idir tú féin agus Pin Point Alerts Ltd. agus glacann sé ionad aon chomhaontuithe, socruithe, ráiteas agus tuiscintí roimh ré idir Pin Point Alerts Ltd. agus tusa.
Tarscaoileadh
Ní tarscaoileadh ginearálta ar a leithéid de théarma, foráil nó coinníoll nó aon ghníomh ina dhiaidh sin contrártha dó sin, tarscaoileadh ag Pin Point Alerts Ltd. ar aon sárú ag aon Úsáideoir ar aon cheann de théarmaí, forálacha nó coinníollacha an Chomhaontaithe seo nó ar aontú Pin Point Alerts Ltd. ar aon ghníomh (cibé go ndearnadh é nó nach ndearnadh é) a bheadh, murach an t-aontú sin, ina shárú mar a dúradh.
Gan Chomhpháirtíocht/Comhfhiontar
Ní fhorléireofar aon ní sa Chomhaontú seo mar chomhpháirtíocht nó comhfhiontar le hÚsáideoirí agus ní bheidh sé de cheart ná de chumas ag aon chuideachta tríú páirtí aon oibleagáid a chruthú thar ceann Pin Point Alerts Ltd.
An Dlí Rialaithe
Beidh an Comhaontú seo faoi rialú dhlí na hÉireann agus toilíonn an Ball le dlínse eisiach chúirteanna na hÉireann i ngach ábhar a bhaineann leis.
Neamhbhailíocht
Más rud é tráth ar bith go measfar aon fhoráil amháin nó níos mó den Chomhaontú seo a bheith neamhbhailí, neamhdhleathach nó neamh-infheidhmithe, leanfaidh bailíocht, dlíthiúlacht agus infhorfheidhmitheacht na bhforálacha eile den Chomhaontú seo de lánfheidhm agus de lánéifeacht a bheith leo.
Díospóidí
Ní mór gach ceist nó díospóid maidir leis an gCóras, lena n-áirítear gan teorainn, ceisteanna maidir le rannpháirtíocht a chur isteach laistigh de 30 lá ón gceist más bainteach, chuig Pin Point Alerts Limited ag